Chapter 90: Safe Place

"Madam, may mga pulis pong naghahanap sa iyo sa labas."

Mariin na napapikit si Marissa sa narinig. Halos wala pa siyang pahinga simula kanina tapos heto na naman. Mukhang alam na niya ang dahilan kung bakit naparito ang mga pulis.

"Haharapin niyo po?"

"Papasukin niyo," aniya at nagbihis. Sunod-sunod na talaga ang kamalasan na dumarating sa kanila. Ang mahirap doon ay parang wala na silang kontrol.

"Mrs. Deogracia. Kung maaari ay maimbintahan po sana namin kayo sa prisinto. Madami ang nagreklamo sa inyo. At may binaril ka raw. Kailangan lang namin na marinig ang iyong panig bago gumawa ng aksyon."

Pilit na kinalma ni Marissa ang sarili at tumango. "Sasama ako pero kailangan ko munang hintayin ang aking abogado."

Sa tulong ng magaling na abogado ni Marissa ay nagawan niyang lusutan ang mga kasong naisampa sa kanya. Daplis lang ang tama ng nabaril niyang reporter at nakuha iyon sa areglo. Pumayag ang pamilya ng biktima kapalit ng malaking halaga ganun din ang nasagasaan niya.

"Marissa. S