Chapter 18

"Ehermm..." Pag tikhim ni Nora na muling umagaw sa pansin ko.

Kanina pa niya iyan ginagawa pero hindi naman siya nag sasalita.

Simula nang mag umpisa kaming maglaba ay panay na ang sulyap siya sa akin at pag tikhim para agawin ang pansin ko pero dahil malalim ang iniisip ko ay hindi ko nalang siya pinapansin.

"Spit it out nora," sa wakas ay sabi ko sa kanya kaya itinigil niya ang pag kukusot ng mga damit at naiintrigang humarap sa akin.

Sabi ko na nga ba at mayroon siyang gustong sabihin!

Sanay kasi siyang lagi akong nag oopen up sa kanya ng problema ko noon at marahil ay naninibago siyang nag lilihim na ako sa kanya.

"Anong problema?" Tanong niya na may kunot sa noo.

Tinignan niya ako na may halong pagkadismaya at pag aalala.

dismayado dahil hindi ako nag kukwento at nag aalala dahil nababakas sa mukha ko ang magkabahala.

"Wala naman... Bakit mo natanong?" Pag sisinungaling ko sabay iwas ng tingin pero nilakihan lang niya ako ng mata tanda na hindi siya maniniwala sa sinasabi ko