CHAPTER 29: His Savior

SAMARA POV

“Ahhh!” Nanggigigil kong sigaw nang makasakay ako sa kotse. Nagulat pa at napatingin sa akin ang driver naming si Manong Vonn. Sinenyasan ko siya na i-start nalang ang sasakyan.

Marunong naman akong magmaneho, pero sa t'wing mainit ang ulo ko ay nakikisuyo akong ipagdrive ako.

Mahirap na kasi, baka sa sasakyan ko maibuhos ang inis ko at maibangga ko ito kung saan.

“Mukhang masama ang gising mo Ma'am Ara,” paninimula ng usapan ni Manong Vonn.

Minasahe ko ang ulo ko. “Si Monica kasi nagbida-bida na naman. Masyadong Jollibee,” naiusal ko. Hindi pa rin ako nakakamove on sa ginawa niya sa ‘kin nung kasabay naming kumain si lolo.

Natawa si Manong Vonn. “Baka nilalambing ka lang ng kapatid mo. ‘Wag mo na gaanong isipin.”

“Hay,” napairap ako sa hangin.

Binuksan ko ang facebook ko para pakalmahin sana ang sarili ko, pero ilang scroll lang ang ginawa ko ay napasalubong na agad ang kilay ko.

Paano ba naman kasi, trending pa rin kami ni Marco. May ibang tao pa na napagkamalang siya an