CHAPTER 83: Veilers

MARCO POV

“Shadow Raven,” bungad sa akin ng lalaking nakaupo sa swivel chair nang makaharap siya sa ‘kin. Mababakas mo ang katandaan sa boses niya.

Malalim akong napahinga bago ko siya nginitian. “Mr. Sanchez,” sambit ko sa pangalan niya saka bumukas ang ilaw.

Mag-uusap pa sana kami nang sabay kaming nakarinig ng pagputok. Napapikit ako dahil sa gulat.

“Happy birthday, Sir Marius!” bati sa akin ng dalawang nurses. Bumagsak ang makukulay na confetti sa akin.

Napahalakhak si Mr. Sanchez. “Oh, meet Dos and Jack, mga bagong Veilers ng pamilya Silvestre. Makukulit talaga ang dalawang ‘yan. Katatapos lang ng training nila sa Netherlands,” pagpapakilala niya sa ‘kin sa dalawang nurses na nasa tabi ko.

Pabiro silang sumaludo sa akin. “Hi, Sir…” sambit nila saka sila nagtawanan.

Ang mga Veilers ay mga tauhan ng pamilya Silvestre na nagkalat sa iba't ibang parte ng Asia. Mga piling scholar sila na nakapasa sa mahihirap na test na binibigay namin nang taunan. Isa itong programa na pinangunahan ko