CHAPTER 73: Lolly's Suitor

MARCO POV

Mariin kong tinitigan ang batang lalaki na tinawag ni Lolly kanina na EJ. Kumakain siya ng ramyeon sa tapat ko. Kasalo rin namin sina Ara, Candice at Lolly sa iisang mesa.

Sa tingin ko ay nililigawan niya ang pamangkin ko, at dadaan muna siya sa butas ng karayom bago mangyari ‘yun. Kumukulo ang dugo kong talaga. Kailangan naming mag-usap nang masinsinan.

“Hoy,” paninimula ko ng usapan. Tinuktok ko ang mesa nang tatlong beses para maagaw ko ang atensyon niya. Napatigil siya sa pagsubo ng ramyeon at tumitig siya sa akin. “Kompleto na ba ‘yang mga buto mo? Ha?” mariing tanong ko sa kanya.

Napakurap-kurap siya na para bang inisip pa kung ano ang ibig kong sabihin. Agad na sumingit si Ara.

“Hay, Love naman. ‘Wag ka ngang maraming tanong d’yan. Kumain ka na lang. Baka matrauma pa ‘yang bata dahil sa ‘yo at mareport ka for child abuse,” saway niya sa ‘kin at nilagyan ng gimbap ang plato ko.

“May paligaw-ligaw na nalalaman, eh,” dahilan ko sa kanya.

“Ay, hayaan mo na,” saway niya s