KABANATA 21

Uminit ang pisngi ko. Hindi ko alam kung bakit niya sinasabi ang mga ito. Maging girlfriend niya? Hindi niya ako gusto. This is just part of his dark motive. Alam ko, aware ako. Iyon dapat ang isipin ko pero ang puso ko… pahamak. Umaasa siya. May parte sa aking kaya hinalikan niya ako, kaya gusto niya akong maging girlfriend ay may gusto siya sa akin.

 Pero pilit ko iyong isinantabi dahil kilala ko siya. Mabuti nga at nakilala ko kung ano siya dahil kung hindi ay baka noon pa ako nahulog sa bangin. At kahit naman sabihing niyang gusto niya ako, hindi pa rin ako maniniwala. Ayokong maniwala. Huwag siya. Kahit iba na lang.

"Pwede ba tigilan mo ako. Alam ko kung ano ang ginagawa mo! Alam ko kung anong pakay mo sa akin!" naubos na ang pasensya ko. Hindi ko na napigilang sabihin ang mga iyon sa kanya.

Nakita kong napatigil siya saglit at nakita ko! Nakita kong namilog ang mga mata niya. See? I am right!

&nb