Kabanata 37

NAPANSIN ni Carlos ang kakaibang ikinikilos ni Alyssa. Nanonood nga ang dalaga sa paglalaro nila ng baraha pero parang ang lalim ng iniisip nito. Para na itong nakatulala at hindi ito kumukurap.

Napansin naman ni Maggie ang ginawang pagtitig ni Carlos sa kanyang kaibigan kaya maging siya napatingin na din sa nakatulalang si Alyssa.

"Uy, Friend!'' Agaw pansin ni Maggie kay Alyssa at ipinaypay nito ang hawak na baraha sa tapat ng mukha ng dalaga.

"Ha!" Gulat na sambit ni Alyssa. Umayos siya ng upo. "Bakit?" Nagtatakang tanong niya kay Maggie.

"Muntik ka ng matunaw dahil sa lagkit ng tingin sayo ni Carlos!" Turan ni Maggie. Kumuha ito ng isang baraha at inilapag sa lamesita na nasa gitna. Kinuha naman ito ni Dia