CHAPTER 41

"CAMERON! Cameron, ilabas mo ang anak ko!" Sigaw ni Charity sabay nang pagkalampag ng matayog na gate sa mansion ni Cameron.

"Cameron!" She shouted again at wala siyang pakialam kung mamaos man siya basta makita niya ang kaniyang anak at makuha ito sa lalaki.

Naiimagine na niya ang pag-iyak ni Calista sa bawat minutong hindi siya nito kasama. Paanong natitis iyon ni Cameron?

Ilang saglit pa ay bumukas ang gate at walang babalang pumasok siya, hindi na siya napigilan ng bantay. Malayo pa ng kaunti ang mansion sa mismong gate kaya naglakad siya ng mabilis upang makarating sa main door. Strange, pero wala siyang nararamdamang takot o kaba. Dala na rin siguro ang kagustuhan niyang mabawi ang anak.

Malayo pa siya sa main door nang makitang lumabas si Cameron. Nakasuot ito ng faded blue na rugged jeans at itim na tshirt na hakab na hakab sa malaki nitong katawan at mas lalong nakadagdag sa dating nito ang tattoo sa braso nito. Nakapamulsa ito sa magkabil