CHAPTER 78

NANG hindi makatulog si Charity dahil sa dami ng iniisip, nagdesisyon siyang bumaba na muna sa may hardin at magpahangin, baka sakaling dalawin siya ng antok. Tinignan niya muna ang mahimbing na pagtulog ni Calista at bago dahan-dahang tumayo upang hindi ito magising. Tahimik na ang buong mansion at mukhang tulog na ang lahat, agad siyang nagtungo sa hardin at umupo sa mga naroong upuan, tumingala sa maaliwas na kalangitan. Nais na naman niyang maluha nang magbalik sa isip niya ang mga tagpong naganap kanina. Parang ang bilis lang ng lahat ng pangyayari. Para bang noong isang araw lang at bago sila magtungo rito sa mansion ni Madam Ada ay okay na okay pa sila ni Cameron, pero sa isang iglap ay ganoon na lamang ang naganap sa kanila.

"Dinalhan kita ng kape." Boses iyon ni Stefano, pero hindi niya nilingon at nanatiling nakamasid sa kalangitan na pinamumugaran ng mga nagkikislapang bituin.

Narinig niya nang ilapag ni Stefano ang mga tasa ng kapeng dala nito sa lamesang nasa lik