Chapter 46

NAKAIDLIP si Cassandra sa sofa sa may study room. Alas diyes na ng gabi pero wala pa rin si Stefan. Mabuti nag-text ito at sinabing sa condo matutulog. Lumipat na lamang siya sa kuwarto kaso hirap na siyang makatulog. Hindi maalis ang pag-aalala niya kay Stefan. Alam niyang pagod na ito kaya hindi na nakayanang mag-drive pauwi.

Mayamaya ang bangon niya dahil naiihi, hanggang sa nalipasan na siya ng antok. Mag-uumaga na’y dilat pa ang kaniyang mga mata.

Kahit late nang nakatulog, maaga pa ring nagising si Cassandra. Nanghihina siya at panaka-nakang nahihilo. Paglabas niya ng kuwarto ay sumalubong si Lola Isabela.

“Hindi ba umuwi si Stefan?” balisang tanong nito.

“Hindi po, Lola. Sa condo raw siya natulog,” walang sigla niyang tugon.

Bumaba na sila at dumiretso sa kusina. Wala rin siyang ganang kumain at tinapay lang ang nilantakan.

“Nako, kawawa naman ang apo ko. Napagod malamang ‘yon. Puntahan mo na lang siya mamaya at magdala ka ng food,” anang ginang.

“Sige po. Maliligo lang