Chapter 47

HINDI umuwi ng bahay si Stefan kaya mag-isang naghapunan si Cassandra. Late na ring umuwi si Lola Isabela at hindi na sila nakapag-usap dahil kaagad siyang nagkulong sa kuwarto. Hindi rin naman siya nakatulog dahil sa kung anu-anong pumapasok sa kaniyang isipan.

Pinakialaman niya ang gitara ni Stefan at tumugtog kahit wala sa tono. Hindi na siya komportable sa nangyayari. Kung magtatagal pa siya sa sitwasyong iyon baka lamunin na siya ng stress. Kailangan niyang magdesisyon.

Humiga siya sa kama at nagbabad sa cellphone. May chat sa kaniya si Janica, humingi ng paumanhin. Hindi na sana niya ito papansinin pero nagpadala ito ng picture sa kaniya. Picture nito at ni Stefan na magkatabi sa kama. Hubad-baro si Stefan at underwear lang ang suot ni Janica. Nakahalik pa ang babae sa pisngi ni Stefan at nakayakap. Ang background ay sa isang kuwarto sa condo ni Stefan.

Janica: I know Stefan lied to you. Of course, he doesn’t want to ruin the deal. Baka kasi magsumbong ka kay Lola Isabela. Bu