Chapter 70

Nakaupo sa lapag ng living room si Benjamin sa kanilang bahay. Nagkalat ang mga walang lamang bote sa paligid. Nakatitig siya sa kawalan habang may hawak na bote ng alak. Punong-puno pa rin ng tanong at maraming bagay ang kaniyang isipan.

Hanggang sa puntong iyon, miserable pa rin siya sa nalaman. Hindi niya pa rin malunok ang katotohanang si Vana nga ang kapatid niya. Parang isang delubyo lamang sa panaginip ang lahat—except that it was all true and was happening in reality.

Tinungga niyang muli ang alak na hawak niya, ramdam niya kung paano gumuhit ang alak sa kaniyang lalamunan. Kung normal na araw lamang iyon, lasing na lasing na sana siya ngunit kahit anong inom niya, tila parang malinaw pa rin ang lahat sa kaniyang isip.

Kahit na kinausap na siya ni Jhaz tungkol sa sitwasyon at sa katotohanang kapatid niya si Vana, o kahit pa pinagsabihan na siya ng kasintahan patungkol sa pagsasabi ng totoo kay Lyv, halos hindi niya pa rin magalaw ang katawan para gawin ang mga iyon.

"Fuck," b