CHAPTER 90

ATASHIA

Dahil pinayuhan ako ni Jaspher na ayusin ang relasyon ko sa ama ni Lance, pumayag akong umalis muna ng La Aurora. Kahit paano ay kampante ako dahil binigyan ako ng assurance ng aking kapatid na magiging ligtas kami ng anak ko.

"Magtiwala ka sa asawa mo, Athasia," sabi sa akin ni Liza habang yakap niya ako. "Tiyak na hindi ka pababayaan ni Sir Lance. Hindi siya papayag na may mangyaring masama sa inyong mag-ina."

"Sana nga maging maayos ang lakad naming ito, Liza. Gusto ko rin bumisita kay Loida. Parang siya na ang may-ari ng restaurant ko," biro ko pa.

"Naku kung alam ko lang na magiging magaling kang negosyante, sumipsip na dapat ako sa iyo noon pa," wika naman ni Gemma. "Siguro kung ginawa ko iyon, baka isa na rin ako sa manager ng isa sa mga restaurant mo."

"Pwede ka pa rin namang maging manager ng restaurant ko," saad ko kay Gemma. "Magpagaling ka na para matupad mo ang gusto mo."

"Malapit na. Gagawin kong posible ang imposible. Makikita mo iyon, Atashia," mayabang na