CHAPTER 92

ATAHSIA

Mahigpit ang kapit ko kay Lance. Grabe din ang yakap ko sa aking anak. Sunod-sunod kasi ang putok na narinig namin mula sa likuran. Tumawag sa radyo ang isa sa mga bodyguards na kasama namin at iniulat niya na pinaputukan sila ng mga kasama ni Ma'am Olivia. Daig ko pa ang nakainom ng isang drum na kape dahil sa sobrang bilis ng tibok ng puso ko. Kahit hindi ako madasalin ay natawag ko na naman ang mga anghel sa langit.

Bakas ang galit sa mukha ng asawa ko. Galit na hindi para sa akin kung hindi para sa kaniyang mommy.

"I will never let her hurt you again. Never!" sigaw ni Lance.

"Lance, huwag kang sumigaw. Natatakot si Charlene," saway ko sa kaniya. "Kontrolin mo nga ang emosyon mo."

Hinawakan ni Lance ang ulo ni Charlene. Ginulo niya ang buhok nito. "Sweetheart, don't be afraid. Daddy is just mad with your lola. I am now okay because of you."

"Really?" tanong naman ni Charlene.

"Yes. I will not raise my voice again," sabi ni Lance.

"Yehey." Sinabayan ni Charlene ng pala