CHAPTER 102 “I JUST LOVE YOU SO MUCH”

“MASYADO kitang mahal para iwan lang,” iyon ang mga salitang namutawi sa mga labi ni Lara makalipas ang ilang sandali.

Nakita ni Lara na kumislap ang mga mata ni Joaquin dahil sa sinabi niyang iyon. Umasa siya na kahit paano ay maiibsan ng mga salitang iyon ang bigat ng dinadala nito. Pero hindi ang kanya.

Ang guilt at takot na nananatili pa rin sa puso niya ay dama niya hanggang ngayon. At alam niyang kahit ngumiti siya ay hindi niya iyon maitatago.

Dahil makikita ni Joaquin ang damdaming iyon sa kanyang mga mata. Bukod pa roon ay mag-asawa sila. Kaya naman nakatitiyak siyang ang kung anumang nararamdaman niya ay dama rin ng kanyang asawa.

“Sa maraming pagkakataon ng buhay ko ako ang hinahabol ng mga babae, Lara,” ani Joaquin.

Tumango si Lara. Alam niyang maraming gustong sabihin ang asawa niya nang mga sandaling iyon. Kaya naman hindi na niya sinubukan pang i-interrupt ito sa kung ano pa mang gusto nitong sambitin. Bilang asawa, obligasyon niyang pakinggan si Joaquin. At iyon nga an