CHAPTER 27 “OFFICIAL BOYFRIEND 3"

HINDI agad na nakaimik si Lara sa tanong na iyon mula sa kanyang ama. Ano ba ang dapat niyang isagot dito? Tama bang maglihim pa siya gayong sa maraming pagkakataon ay silang dalawa lang naman ang naging magkatuwang mula nang mamatay ang kanyang ina?

“Lara?” untag sa kanya ni Rodolfo nang manatili siyang tahimik.

Sa puntong iyon ay mabilis na desisyon ang agad na nabuo sa isipin ng dalaga. Pero sa halip na magbuka ng bibig para magsalita ay tumango na lamang siya bilang tugon sa tanong ng kanyang ama.

“Bakit ang bilis naman yata, anak?” hindi naman galit pero nasa tono ng pananalita ni Rodolfo ang matinding pagtataka.

Napabuntong hininga si Lara sa tanong na iyon. Pagkatapos ay minabuting niyang ipaliwanag na din sa kanyang ama ang lahat. Pero bago iyon ay sumulyap muna siya sa relo na nakasabit sa dingding ng kanilang sala.

“Huwag kang mag-alala anak, hindi pa naman ako inaantok kung iyon ang inaalala mo,” wika