CHAPTER 72 “TOGETHER FOREVER”

“HEY.”

Nang magmulat ng paningin niya si Tessa kinabukasan ay ganoon ang naging pagbati sa kanya ni Ramil.

Dahil nga madaling araw na nang hayaan siya ni Ramil na makatulog ay kinailangan niyang magbawi ngayon ng tulog.

“Almost lunch na pala,” aniya matapos sulyapan ang suot na wrist watch at pagkatapos ay isa-isang kinuha ang nagkalat niyang damit sa sahig saka isinuot ang mga iyon.

“Hindi na kita ginising kasi alam kong pagod ka,” ani Ramil na iniabot sa kanya ang isang tasa ng mainit na kape.

“Thanks,” sagot niya saka nakangiting humigop sa tasa.

Nang sulyapan niya si Ramil ay nakita niyang nakatitig pa rin ito sa kanya. Dahil doon ay nagsimulang makaramdam si Tessa ng discomfort. Kaya naman eventually ay pinili niyang ituon na lamang ang atensyon sa tasa ng kape na kanyang hawak.

Ilang sandaling nakiraan sa kanilang dalawa ang katahimikan. Si Ramil noon ay nakaupo na sa center table paharap sa kanya. Habang siya ay okupado ang mahabang leather couch.

Nangiti si Tessa saka t