CHAPTER 74 “PLOTTING 2”

“IN ALL FAIRNESS marunong ka ngang magluto,” puri ni Tessa kay Ramil.

Nasa sala silang dalawa noon at kasalukuyang nagpapahinga. Ang binata na ang nagprisintang linisin ang mga platong pinagkainan nila. At ngayon ay magkasama naman silang humihigop ng mainit na kape.

“Really? Marami pa akong alam na putahe. At ang lahat ng iyon ay matitikman mo ng libre kung papayag ko sa offer ko na dito na manirahan sa bahay ko,” anito sa kanya saka sinuyod ng humahangang tingin ang kanyang binti pataas sa kanyang mukha.

Isang mahinang tawa ang pinakawalan ni Tessa at pagkatapos ay inilapit sa kanyang bibig ang tasa ng kape.

“Gusto ko ang idea na iyon. Gusto kong matikman ang iba pang klase ng putahe na kaya mong ihain sa akin, Ram,” aniyang sinulyapan sandali ang binata at pagkatapos ay ibinalik sa tasa niya ang paningin.

Noon ibinaba ni Ramil ang tasang hawak nito sa centertable. Pagkatapos niyon ay ang kanya naman na itinabi at ibinaba rin nito doon.

“Anong oras ka uuwi para kumuha ng gamit sa ba