KABANATA 91

Nanginginig si Sylvaine sa inis. Nang dahil sa pagdating ni Lea at Don Manuel ay nagkagulo sa meeting. Tiyak na sumasakit na ang ulo ni Gray kakarinig sa mga ka-grupo nitong tanong nang tanong sa kung anong nangyari at bakit na kay Lea ang kuwintas.

Pigil niya ang galit at agad na hinila si Gabriel papasok sa pribadong kwarto ni Gray upang makaiwas sana sa gulo. Ngunit nagulat pa siya matapos sumunod doon si Don Manuel.

"W-hat? Dad—"

"See what's happening, Sylvaine? Kahit kumampi ka pa kay Gray, matatalo ko pa rin siya. Magbalik loob ka na lang sa akin upang hindi ka magaya kay Cassandra," hikayat nito.

Tinago niya sa kanyang likod si Gabriel at hinarap ang ama.

"A-no'ng ginawa mo kay Cassandra, Dad?"

Nilukob siya ng takot. Mukhang wala na itong pakialam kahit pa anak sila nito. Gagawin nito kung ano'ng gusto nito.

Ngumisi ang ama niya, "Gusto mong malaman? Sumama ka sa akin—"

"No way, Dad. Kung ganyan na kayo kasama, hinding-hindi ako sasama sa inyo! Hindi ako susunod sa plano ninyo