CHAPTER 40

“Bakit ba ang tagal nilang mag-usap, gusto ko ng umuwi,”reklamo ni Abegail.

“Ma’am masyado pa pong maaga para umuwi po kayo,”nakangiting sabi ni Ciara.

“E, sa gusto ko ng umuwi Ciara, wala ako sa mood magtrabaho ngayon,”nakasimangot na sabi ni Abegail.

“Naku heto tayo e, hindi lang naisama ng crush sa loob nagmamaktol na agad,”nakangising sabi ni Ciara.

Panay pa rin ang pang-aasar ni Ciara sa kanyang amo.

Si Loisa kasi ay hindi pa nakabalik sa pwesto nito matapos maihatid ang kape ng dalawang lalaki.

“Ituloy mo pa ang pang-aasar sa akin talagang tatanggalan kita ng bonus,” pagtataray na nito kay Ciara.

“Si Ma’am naman hindi na mabiro, heto po isi-zip ko na po ang bibig ko,”suminyas pa ang babae na sinizip ang bibig.

Gusto ng bumalahaw ni Ciara sa kakatawa habang pinagmamasdan ang among babae, ngunit pinigilan niya. Baka kasi mamaya trabaho na ang mawala sa kanya imbis bonus lang.

Maya-maya lang ay bumukas na ang pinto ng opisina ni Steve, mula rito ay iniluwa ang tatlong pers