CHAPTER 41

Samantalang sa gusali ng Monteclaro Corporation ay napansin ni Kimberly ang pag-alis ng kanyang mga amo kasama ang dalawang sekretarya ni Steve at si Noel.

Nasa lobby siya ng mga oras na iyon kung saan kagagaling niya lamang sa pagbili ng kanyang paboritong milk tea malapit sa kanilang gusali.

“Saan kaya pupunta ang mga 'yon?” Nagtatakang tanong ni Kimberly.

Nang maalala ng babae ang hinahangaang artista ay dali-dali nitong kinuha ang telepono sa bulsa at dinayal ang numero ni Crystal.

Ibabalita niya dito ang pag-alis ng kanyang among lalaki kasama ang mga sekretarya nito.

“Hello, Ma'am Crystal si Kimberly po ito,” pakilala ni Kimberly sa babaeng nasa kabilang-linya.

“Yes, Kim what is it?” Tanong ni Crystal sa kausap.

“Ibabalita ko lang po sana Ma'am na umalis ng opisina sina Sir Steve kasama po ang dalawang sekretarya,” sabi ni Kimberly.

“The two secretary, but why? Where are they going?” Takang tanong ni Crystal.

“A, e, hindi ko pa po naitanong sa guard ma'am kung saan po sila pupu