Chapter 5

HINDI MATANGGAL sa akin ang takot na naramdaman ko kanina nang kinompronta ako ni Lance. Naaalala ko ang panggagalaiti niya sa inis dahil nakita ko siya sa gabing iyon Kung pu-pwede lang baguhin ang nangyari ay pipiliin ko na hindi ko iyon nakita dahil aside sa napapapikit ako tuwing naaalala ko iyon, may sekreto pa akong kailangang itago.

"Huy, Elisia!" Tawag ni Bea sa akin nang naabutan niya akong tulala sa Lounge.

Handa na ako sa part time na sinasabi niya. Naniniwala naman akong hindi ito pagbibenta ng laman dahil may ipinakita siyang mga pictures sa akin sa kanyang cellphone.

"Ready ka na ba? Mga dadalhin mo?" Tanong niya.

Kakarating niya lang. Alas singko na ng hapon at kanina pa ako handa para sa part time na iyon. Aniya'y madalas alas Otso ang alis namin ng grupo patungo sa iba't ibang bar.

"Anong dadalhin? Akala ko ba may damit na doon?" Sabi ko.

Naka simpleng t-shirt lang ako at short pants. Inasahan kong may damit na doon kaya hindi ko inisip na may dadalhin pa ako.

"Pumps? Make Up?" Nag taas ng kilay si Bea.

Nalaglag ang panga ko. "Wala ako ng mga ganon."

"Ano?" Malaking OMG ang bibig ni Bea.

Nakapamaywang siyang tinitigan ako. Goodbye, one thousand! Hindi ka ata mapapa-sa akin sa gabing ito. Siguro ay kailangan ko ng mamili ng pumps at make up nang sa ganon ay sa Biyernes, magkakaroon na ako.

"O sige, papahiramin kita!" Aniya at may kinalkal sa locker niya.

Umaliwalas ang pakiramdam ko sa sinabi niya.

"Sayang naman kasi ang slot kapag hindi ka makakasali ngayon.

Tumayo ako at nilapitan siya. Kitang kita ko ang kulay gold na pumps niyang medyo may kalumaan na. Kailangan kong ilagay din ang pumps sa listahan ng kailangan kong bilhin. Basta ba maganda ang resulta ng gabing ito ay sisiguraduhin ko nang bibili ako ng isang ganyan.

"Naku, Bea, sorry ah? Hindi mo naman kailangang gawin ito pero kailangan ko 'yong pera. 'di bale bibili ako ng ganto-"

"Wag mo ng alalahanin, Elisia. Medyo sira na 'yong takong niyan kaya mag ingat ka na lang. Huwag kang magtatalon." Aniya sabay lagay ng pumps sa paanan ko.

Sinubukan ko iyon. 'Kailangan bang tumalon sa trabahong ito?"

Tumawa siya. "Hindi pero baka maisipan mong tumalon at sumayaw pag nakapunta ka na sa bar na mga pupuntahan natin."

Hindi ko naintindihan ang sinabi ni Bea. Hindi pa kasi ako nakakapunta sa isang bar. Siguro ang pinaka malapit lang sa 'bar' na napuntahan ko ay iyong mga inuman noon sa kanto doon sa maputik na lugar nina Auntie.

Sumunod lang ako kay Bea hanggang sa nakarating kami sa isang building. llang pintuan ang pinasok namin hanggang sa nakita ko ang logo ng sikat na brand ng sigarilyo. Pumasok kami sa loob at agad kong nakita ang iilang mga babae na nag mi-make upan at naka suot ng kulay pulang damit. Maiksi iyon, iyong tipong pag ka yuko mo ng kaonti ay makikita na ang panty mo. Hindi tuloy ako sigurado kung kaya ko ba ito. Pero tuwing naiisip ko na tatayo lang naman ako at magkakaroon na ako ng isang libo ay nabubuhayan ako. 

Wala ng arte-arte, Elisia.

"Magandang gabi, ma'am. May kasama po ako ngayon."

Hinila ako ni Bea.

Tiningala ako ng isang bading. 'Ma'am'. Dapat ko rin siyang tawaging ganon. "Magandang gabi, ma'am." Bati ko habang sinusuri niya ako mula ulo hanggang paa.

"Ilang taon ka na? Nag-disi Otso ko na ba?" Tanong ng tumatayong bading.

"Twenty na po ako." Sabi ko.

"Ma'am, twenty na po siya. Nag tatrabaho na nga po ito sa Coleman. Kasama ko 'to. Janitress din." Ani Bea.

"O sige. May mga uniporme doon, naka-hanger. Kumuha ka ng sukat mo don at mag simula na kayong mag ayos. 7:30 ang alis natin. Siguraduhin niyong nakakain kayo."

Hinila agad ako ni Bea sa sulok kung saan may mga pulang unipormeng nakahanger. Medyo naibsan ang pangamba ko na baka scam itong pinasukan ko. Legit nga! May nakalagay na Cuervo sa damit na iyon!

Walang pakealamanan sa pagbibihis. Ang tanging lalaki doon ay si Ma'am na bading naman. Mabilis na hinubad ni Bea ang kanyang damit. Isang iglap lang ay naka-bra at panty na lang siya. 

"Bilisan mo, Elisia!" Saway niya sa akin dahil nahihiya pa akong mag hubad.

Tinitingnan tingnan ko ang mga babaeng naroon at hindi naman Sila nanonood. Mas concerned pa Sila sa lipstick at fake eyelashes na nilalagay nila sa kanilang mga mata. Naaalala ko tuloy ang pakiramdam ko nang nilagyan ni mama ng ganon ang mga mata ko noong prom. Pakiramdam ko noon ang ganda ganda ko na. lyon nga lang, hindi naging maganda ang kinahinatnan ng prom dahil inaway ako ng pinsan ko.

Nang nakapagbihis na ako, panay ang baba ko sa palda ng maiksi at sobrang kapit na damit. Tinatampal ni Bea ang kamay ko tuwing ginagawa ko iyon.

"Tumigil ka, ah? Hayaan mo na Yan. 'Yan ang nakakabenta sa atin. Tuwing maiksi 'yan, mas marami kang mabebenta." Aniya pagkatapos ay nilagyan ng mascara ang mga mata.

"Ha? Para naman tayong prostitute nito."

Kumunot ang noo ni Bea na para bang nainsulto ko siya.

"Elisia, marangal na trabaho itong pinasok mo! Pero ganyan talaga. Yan ang totoo. Ang mga bar na 'yan, punong puno ng lalaking mayayaman at nagwawaldas ng pera. Pwede silang bumili sa ibang tindahan ng sigarilyo at alak pero hihikayatin natin sila sa ating bumili dahil magaganda tayo."

Yumuko ako dahil alam kong ganoon nga ang totoo pero hindi Iang ako kumportable sa mqa iniisip ko. Siguro ay dapat isipin ko na nga lang iyong pera.

"'Yang mayayamag 'yan, naku! Konti lambing mo lang sa kanila, bibili na 'yan. 'Sir, ninigarilyo ka ba?'" Aniya sa malambing na boses.

Ngumiti ako sa sinabi niya.

"Want some cigars?" Kumindat siya sa akin. 'Ganon lang 'yon, Elisia. At voila! May bumili na agad. Kapag may bumiling isa, dadami ang bibili sa iyo kaya dapat ay mauna ka."

Pagkatapos niyang mag make up ako ako naman ang inartehan niya. Panay ang pangaral niya sa akin tungkol sa kung paano makakabenta ng sigarilyo sa mga bar. Kinwento niya rin sa akin na nagkakaroon daw ng tip pag nagugustuhan ka ng bumibili. Ibig sabihin, madalas doble ang makukuhang pera.

"Ang mga mayayamang 'yan, nag aaksaya lang ng pera kaya Yong sobra, sayo na." Tawa ni Bea nang natapos na ang pag mi-make up niya sa akin.

Tumango ako at nilagay lahat sa utak ko 'yong mga pangaral niya sa akin.

Pumalakpak si ma'am at agad na kaming humilera sa harapan niya. Tama si Bea at medyo sira na nga itong pumps niya kaya hindi ako masyadong naggagalaw ng biglaan.

"Same instructions, same rules! Go!" Ani ma'am at mabilis na lumabas ang halos sampung babae kasali kami ni Bea.

Hindi ko alam kung ano ang instructions at rules dahil maiksi lang ang sinabi ni ma'am. Kinailangan ko pang mag tanong kay Bea at ang sabi niya ay wala naman daw akong hindi alam alam.

"Kailan ba ibibigay 'yong pera, Bea?" Tanong ko nang nag siksikan na kami sa van.

"Dito na sa van. Hanggang alas dos lang tayo, Elisia. Pagka alas dos, balik tayo dito tapos ibibigay na ang pera at pwede na tayong umuwi."

Tumango ako at sinuot ko na iyong bag na may lamang mga sigarilyo. Pinag-aralan ko kung saan ilalagay ang pera doon sa bag.

"Okay, girls. Tatlumpung minuto tayo dito." Ani ma'am na nasa front seat pala nang tumigil ang van sa tapat ng isang square kung saan maraming tao at maingay ang music. "Hindi pa peak ng party dahil maaga pa kaya tatlumpong minuto, balik kayo agad dito."