Kabanata One Hundred One

“Ama, sino ang iyong ipinapatawag?” nagtatakang tanong ni Mateo.

“Malalaman mo rin mamaya pagdating niya sa ngayon maghintay muna kayo,” wika ni Don Emilio.

Muli, nabuo na naman ang nakakailang na katahimikan sa aming lahat. Lahat ay tahimik na naghihintay sa pagbabalik ni Lola Nilda kasama ang taong tinutukoy ni Don Emilio. Matapos ang ilang minuto nang paghihintay ay dumating si Lola Nilda na may kasamang isang lalaki.

“Narito na po siya, Don Emilio,” wika ni Lola Nilda at yumuko naman ang lalaking kasama niya.

Sino kaya ‘to? Napatingin ako kay Joaquin para tignan kung kilala niya ba ang lalaking kasama ni Lola Nilda at nakita ko ang gulat sa kanyang mga mata. Ibig sabihin kilala siya ni Joaquin! Pero sino nga ba talaga siya?

“Paanong— akala namin patay ka na,” wika ni Joaquin na halata pa rin ang labis na pagkagulat sa kanyang mukha.

“Patay?”

“Imposible ito,” hindi makapaniwalang sabi ni Joaquin.

“Ama, anong ibig sabihin nito? Bakit