Chapter 106: Plane Ticket

"Happy birthday, Hilary!"

Nanlaki ang mga mata ko pagbukas ng pintuan ng bahay at naroon si Daddy, si Azalea, at ang tatlo kong kaibigan. Abot-tainga ang ngiti nila habang tila bata ang kanilang sinu-surpresa.

"Birthday ko ba?" magiliw na tanong ko sa kanila.

"Gagi, maghahanda ba naman kami kung hindi?" pikon na tanong ni Shanael na may cone sa ulo.

Excited na sumingit si Glyzel.

"Make a wish and blow your—"

Hinipan ko na iyon at tuluyang pinapasok na ang sarili sa loob ng bahay. Napanganga na lang sila sa ginawa ko. Ang tanda ko na, mag-wi-wish pa? Ni hindi nga ako kayang pagbigyan man lang ng langit noong mga kinikilalang magulang ng anak ko sa simpleng picture na kahilingan ko. Ano pa ang hihilingin ko? Iyon lang naman ang gusto ko. Kahit ipilit, ayaw talaga nilang pagbigyan pa ako. Sa totoo lang, sobrang nakakatampo. Alam ko, hindi ko dapat ito maramdaman pero kasi, ang simple lang noon at isa pa birthday ko rin naman.

"Hoy, hindi ka nag-wish!" parang batang habol sa akin ng