Chapter 68: Kailan aaminin?

Nakabusangot na ang mukha ng tatlo paglabas ko ng resto. Halatang pikon na. Hindi ko naman sila masisi. Iwan ko ba naman silang bigla sa labas e. Kahit ako mapipikon na kagaya nila.

“Ang tagal mo naman sa loob. Hindi mo man lang naisip na ang init dito. Pwede mo naman kaming papasukin tapos kung may iba kang agenda ay saka mo na lang ginawa. At least doon ay hindi mainit kagaya dito!” kaagad pagrereklamo ni Shanael.

Naiintindihan ko naman kung ano ang sintemyento niya. Mainit nga naman talaga at di ko iyon naisip. Aminado ako kaya walang imik.

“Sorry na Girls, busy lang talaga si Chaeus kaya medyo—”

Hindi ko na natapos ang sasabihin. Tinalikuran na nila ako. Nauna na silang pumasok sa loob ng resto. Napakagat-labi na lang ako sabay irap sa kawalan. Oo na, guilty na ako sa nagawa ko sa kanila. Eh, ginusto naman nila iyon. Sumama kasi sila. Ayaw ko nga silang isama dito. Pilit silang sumama. Pagtiisan nila iyon!

“You don't have to explain your reason, Hilary. Huwag mo na lang pansini