Kabanata 25

GABI NA pero hindi pa siya umuwi sa condo. Pinatay niya ang kaniyang smartphone upang hindi siya matawagan ng kahit na sino. Gusto niya munang mapag-isa. Ayaw rin niya munang marinig ang boses ni Weiss dahil baka tuluyan siyang lamunin ng kaniyang konsensiya.

Ilang oras pa siyang nagtagal sa park bago niya naisipan na umuwi. Pinasok niya sa account niya ang pera na natanggap niya kapalit nang paglayo niya kay Weiss.

Mabuti na lang dahil pinayagan siya ni Senior Fortalejo na makasama muna si Weiss sa loob ng isang linggo bago niya ito tuluyang iwan.

Huminga siya nang malalim dahil sa mabigat niyang pasanin. Tuluyan siyang umuwi sa condo. Nang makarating siya ay nakita niya ang kaniyang nobyo na nasa sala. Naka-upo ang lalaki sa ibabaw ng sofa at nakakunot ang noo nito. Halatang wala sa mood ang lalaki.

Puwersa siyang umiling at agad siyang tumungo sa kaniyang nobyo.

"Kamote!" panggugulat niya sa kaniyang nobyo.

Wala sa mood ang lalaki kaya ay hindi man lang ito nagkaroon ng kahit