KABANATA 107

Naging busy na si Cassie magmula nang pumirma ito sa JLC Clothing kaya hindi na ito napapagawi sa building nila. Miminsan na lang din itong tumawag sa gabi. Kasabay naman nu'n ay hindi na rin niya nakikita si Kyle na bumibisita sa opisina nila. Kung may kailangan man ang Dynasty Agency sa kanila ay nagpapadala ito ng representative. Hindi niya maiwasang isipin na maaaring magkasama lagi ang dalawa dahil nalaman niya kay Cassie na si Kyle ang hahawak ng project ng JLC Clothing.

Nasasaktan siya sa tuwing maiisip na posibleng magkaroon ng ugnayan ang dalawa lalo pa't open na open naman si Cassie sa atraksiyong nararamdaman nito sa lalaki. 

Paano nga ba kung isang araw ay sabihin nitong may relasyon na ito kay Kyle? Paano niya iyong tatanggapin? Alam niyang masasaktan talaga siya kapag nalaman niyang may iba ng babae na mauugnay kay Kyle. Siguradong doble ang sakit nu'n kung ang babaeng iyon ay ang ititunuring na niyang kapatid na si Cassie.

Kung alam kaya n