KABANATA 108

Nauna nang nagpaalam ang ina niya na magpapahinga dahil may maagang meeting pa ito kinabukasan. Naiwan silang tatlo sa sala habang umiinom ng wine. Nakaapat na bote na sila ng wine at nagsisimula nang uminit ang mga pisngi niya habang si Cassie ay mas nagiging matabil.

" Do you have beer, Ash? Nakakabitin kasi ang wine," biglang tanong ni Cassie.

" I don't think magandang idea na pagsabayin ang wine at beer," nasabi niya dahil hindi rin naman siya sigurado. Isang beses lang yata siyang uminom nang todo sa loob ng ilang taong pananatili niya sa London.

" I think that would be fine as long as we'll drink moderately," si Kyle ang sumagot.

Alanganing tumayo siya para kumuha ng beer sa fridge ng Mama niya. Laging may nakahanda silang ganu'ng inumin para sa mga bisitang kliyente at mga kaibigan. Kulang na nga lang ay magtayo ng sariling convenience store ang Mama niya sa loob ng bahay dahil kumpleto sila sa iba't-ibang klase ng pagkain at inumin.

"