KABANATA 38

Inaya siya ni Venus na kumain sa labas kinahapunan. Gusto sana nitong kumain sila sa isang mamahaling restaurant pero sabi niya ay sa isang fast food chain na lang para makapagkwentuhan sila nang hindi naiilang. Gusto niya rin kasi itong makausap sa ginawa nitong pagsisinungaling kanina.

Siya sana ang magbabayad sa inorder nila pero hindi ito pumayag dahil may good news din daw ito. Nakahanap sila ng pwesto sa pinakagilid.

Pagkaupong-pagkaupo pa lang ay masayang hinawakan na ni Venus ang isang kamay niya na may hawak pa rin ng tray ng pagkain.

" Thank you so much, Nat!" nakangiting sabi nito saka mahigpit na pinisil ang kamay niya.

" Ako nga ang dapat magpasalamat sa'yo, eh," nagtatakang sabi niya habang inilagay na isa-isa sa mesa ang pagkaing inorder nila.

" No, Nat. It should be me. Alam mo bang nagustuhan ni Kyle at ni Mrs. del Espania ang dalawang designs na gawa ko? Kung idinaan ko pa iyon kay "Zira" ay sigurado akong sa basurahan na naman iy