CHAPTER 89

"M-Maddy?" nuutal na tawag n'ya sa pangalan ng babae. Hindi n'ya alam kung ano ang kan'yang mararamdaman ng mga oras na iyon.

Hindi n'ya inakala na makikita n'ya sa lugar na ito si Maddy. At mas lalong hindi n'ya inaasahan na sa ganitong pagkakataon mag krus ang landas nilang dalawa.

"R-Red? I-Ikaw ba talaga yan?" naiiyak na tanong nito sa kanya. Kita n'ya ang pamamasa ng mga mata ng babae at ang panginginig ng labi nito habang nakatingin sa kan'ya.

"I-I'ts me, how about you? I-Ikaw ba talaga to Maddy?"

"I-Ikaw nga Red! I-Ikaw nga! Thanks God at nakita kita!" umiiyak na bulalas nito sabay lapit sa kan'ya at sinugod s'ya ng yakap. Hindi s'ya nakahuma at natulos lamang sa kan'yang kinatatayuan dahil sa sobrang pagkagulat.

Parang kailan lang ay hindi s'ya mapakali sa paghahanap dito ngunit ngayon ay nasa harapan n'ya na ang babae na matagal n'ya ng hinahanap.

"B-Buhay ka?" wala sa sarili na tanong n'ya rito. Kumalas ito sa kan'ya at nag-angat ng tingin habang hilam sa luha ang mga mata.