CHAPTER 90

REGINALD DAEWOON...

Hindi s'ya mapakali habang nagmamaneho pauwi ng bahay. Okupado ni Maddy ang kan'yang isip at kahit anong gagawin n'yang pag-iwas na hindi maisip ang babae ay hindi n'ya mapigilan ang sarili.

May panghihinayang din s'yang nararamdaman sa kaibutoran ng kan'yang puso ngunit kapag sumasagi naman sa isip n'ya si Goldy at Braxx ay nakaramdam s'ya ng pang-uusig ng konsensya.

Hindi s'ya dapat na makaramdam ng ganito kay Maddy dahil may pamilya na s'ya. At naisip n'ya din kung coincidence lang din ang pagkikita nila ni Maddy. Sa dinami-dami ng lugar na pwede silang magkita ay sa gitna pa ng daan at sa oras na ito kung kailan ay katatapos n'ya lang sumabak sa gyera.

Ang tagal n'yang hinanap ang babae ngunit hindi n'ya ito matatagpuan. At bigla-bigla na lang ay susulpot ito mula sa kung saan at humarap sa kan'ya sa hindi inaasahang pagkakataon.

Gusto n'yang paniwalaan agad na si Maddy ang kaharap n'ya dahil kahit saang anggulo tingnan ay walang pinagkaiba ang babae kanina sa