Chapter 45

Binaba ko na ang tawag at nakitang nakatitig sa kin sina Aveera at Rome na ang lalaki ng ngisi. Si Gio naman ay nakatingin lang sa `kin. Nag-init bigla ang mukha ko.

“Ang sweet naman ng mate mo, Kuya Josh!”

“Naku, mukhang nagalit nga sa `kin, eh!”

”Anong nagalit? Nagselos kamo!” sabi ni Aveera, ”Which goes to show that he cares a lot for you.”

“Tama, Kuya Josh, iba ang galit sa selos, ang selos, may halong pag-aalala!”

“Nako, kayong dalawa talaga, `wag n’yo nga’ng niloloko si Josh,” sabi naman ni Gio, “isa pa naman sa best qualities ni Josh ay ang pagiging inosente n’ya.”

“Kaya mo ba nagustuhan si Kuya Josh, Kuya?” pang-asar ng kapatid n’ya. Nasamid si Gio, ako naman ay nahiya sa kanilang magkapatid.

“Pero, mag-ingat ka pa rin, ha?” sabi sa `kin ni Gio, “You know what they say, ‘lawyers are good liars’, baka lokohin ka lang n’yan.”

“Hindi naman lahat, Kuya! Saka fated pairs na nga sila, eh, imposibleng niloloko lang n’ya si Kuya Josh!”

“Gayon pa man,” kinapitan ni Kuya Gio an