Chapter 57

Pilit ako’ng hinarap ni Louie.

”Josh, uminom ka muna nito.” naglagay s’ya ng tabletas sa hinihingal ko’ng bibig at inalalayan akong uminom, pero nasamid ako’t naidura ito.

”Louie... ang sakit... ang init...” hinatak ko s’ya para bumalik sa dibdib n’ya.

”Uminom ka muna nang gamot.”

Pinasok n’ya `uli ito sa bibig ko, pero di ko `to malunok.

Kahit naglalaway ay tuyung-tuyo ang lalamunan ko.

Napasimangot sa `kin si Louie. Uminom s’ya ng tubig, at saka isinubo ang tabletas. Tapos ay kinapitan n’ya ang magkabila ko’ng pisngi at pwersahan ako’ng hinalikan, sabay tulak ng tubig at gamot papasok sa `king bibig.

Inatake ako nang ubo sa pagpwersa sa `kin ni Louie, pero sa wakas, nalunok ko rin ito. Hinimas n’ya ang mukha ko, tinignan ang loob ng nakabuka ko’ng bibig, at nakahinga nang malalim nang makitang wala na ang tabletas dito.

”Louie... Louie... tulungan mo ko...” pagmamakaawa ko.

Nanginginig ang mga kamay ko sa pagkasabik sa kan’ya. Gusto ko s’yang pumatong sa `kin, yumakap, humalik... gu