Chapter 59

Matapos maligo, lumabas kami at nakitang nasa kama na ang pamalit ko’ng damit. Mukhang dumating na sina Ate Mira. Nagbihis na ako at pinahatid ni Louie pauwi sa bahay.

”Magpahinga ka na lang sa bahay, bukas ka na pumasok, itanong mo na lang kay Aveera kung ano ang exam n’yo bukas.”

”Naku! Oo nga pala, quiz day bukas!” bigla ko’ng naalala.

“Kaya nga magpahinga ka na lang at mag-aral sa bahay.”

“Eh, ikaw?”

“May work pa `ko, late nanaman nga ako, eh...” napatingin s’ya sa relo n’ya, “Sige na, at kailangan ko pa’ng umuwi sa bahay para magpalit.”

“Okay, Louie, babay na...” inabot ko s’ya at hinalikan sa pisngi.

Bigla namang napatingin si Louie sa paligid at sa dalawa ko’ng bantay na parehas malayo ang tingin.

“Sana umuwi na si Nathan.” sabi ko rin sa kan’ya.

“Don’t worry, he always comes home.” sagot ni Louie na ginulo ang buhok ko, ”Sige, mag-ingat kayo `pag uwi,” ulit niya.

Hinintay ako ni Louie sumakay sa kotse, at nang paalis na kami ay saka lang s’ya umalis papunta sa sasaky