Chapter 87

Tulog pa rin si Nathan nang dumating kami sa ospital. Binigay namin kay Bless ang mga gamit n’ya na binalot ni Mercy, at doon na s’ya naligo sa CR sa loob ng private room. Buong araw `uli kami’ng nag-stay doon, at pagdating ng hapon, ay nagpaiwan `uli si Bless sa amin. Ang dahilan naman n’ya ngayon, eh, may pasok kami kinabukasan, habang s’ya ay nakapagpaalam na sa hospital kung saan s’ya nag i-intern.

”So, ihatid ka na muna namin?” tanong sa `kin ni Louie pagkasakay naming tatlo sa kotse n’ya.

”Ha? Saan?” tanong ko.

”Sa bahay,” sandali ako’ng nilingon ni Louie, ”may pasok na bukas, kailangan mo nang umuwi sa bahay mo.”

”Ano? Eh, sinong mag-aalaga sa `yo?” reklamo ko, ”Baka mamaya mag-alala ka nanaman masyado tapos ma-high blood ka nanaman, tapos bumagsak ka na lang kung saan!”

”Bakit Josh, anong tingin mo sa `kin?” tanong ni Mercy sa backseat.

”Alam ko... pero, ayokong umuwi! Ipapakuha ko na lang kina Ate Sol ang mga gamit ko!” pilit