KABANATA 24

NAGISING SI LAURA na parang pinupukpok ang ulo. Hindi niya magawang maimulat nang maayos ang mga mata at sobra siyang nasisilaw sa liwanag. Napahawak siya sa ulo. Anong bang ginawa niya at ganoon na lang ang pamimigat ng ulo at katawan niya?

Nagtayo ba siya ng MOA sa panaginip niya? Wala siyang maalala maliban na lamang sa bumaba siya sa kusina kagabi para uminom ng tubig.

“Gising ka na pala.” Naimulat niya ang isang mata nang marinig ang boses ni Rave. Bagong ligo at bihis na bihis na. Nakasuot ito ng itim na track pants at puti na shirt. Naupo ito sa gilid ng kama pagkatapos – nakahalukipkip. Basang–basa pa ang buhok nito. Buti pa ang ‘sang ‘to, fresh na fresh na. Gwapong fresh! “Nagluto ako ng spaghetti,” nakangiting wika nito.

Naimulat niya ang mga mata. “Happy birthday.”

Natawa ito sa kanya. “Kapag ba nagluto ng spaghetti ay may birthday?”

“Hi