CHAPTER 37

HMH-37

"Shall we?" nakangiting tanong ni Xander pagbungad nito sa shop ni Yanna. Kasalukuyan pa lamang nagsisinop ng gamit niya ang dalaga.

Napasimangot at napairap dito si Yanna. Talagang mukhang inagahan yata nito ang pagpunta para asarin na naman s'ya.

"Masyado naman yatang napa-aga ang dating mo?" Sumulyap siya sa relong nakapatong sa ibabaw ng mesa niya. Halos dalawampu't tatlong minuto pa bago mag-alas-sais ng hapon.

"Baka lang kasi biglang magbago ang isip mo at indyanin mo ang usapan natin," Kibitbalikat na sagot nito at inikot ang tingin sa paligid.

"Gan'on na lang ba kababaw ang tingin mo sa 'kin, walang isang salita?" nadismayang tanong niya at ipinagpatuloy ang pagsisinop.

"Ofcourse not! Alam ko naman na maayos kang kausap. At hindi mo matitiis na tikisin ako!" nakakalokong ngumiti at kumindat pa ito sa kanya.

Napangangang napailing si Yanna, "Hindi ka rin naman presko, ano? Ngayon ko lang nalaman na mapagbuhat ka rin pala ng sariling bangko!" nang-aasar niyang tugon. K