CHAPTER 197

INAASAHAN na ni Yesha na siya papayagan ng mama niyang puntahan si Shawn sa opisina nito. Dahil saturday, napagpasyahan na lang nilang magtungo sa mall. Ngayon lang daw kasi siya ulit makakalabas at kailangan din daw niya ng kakaibang view.

"Ma, si Queen. Una na po kayo sa kotse," aniya. Binuhat naman ng ina ang bata. Nang makalabas ang mga ito, kaagad niyang tinawagan si Erika na paalis na sila upang gawin ang kanilang mga plano. Ngayon ang araw na plano nilang mag-install ng cameras. Nang makatanggap ng tugon mula kay Erika, kaagad siyang sumunod sa sasakyan.

"Tara na po."

Nilingon siya ng ina ni Shawn. "Wala ka na bang nakalimutan?" Ngumiti si Yesha at saka umiling. "Wala na po, nandiyan na rin po ang gatas ni Queen."

Kausap niya sa text st Erika habang nasa byahe. Ayaw naman sa kaniyang ibigay ng anak kaya wala rin siyang nagawa kung 'di ang hayaan ang mga lola ang maghawak dito.

"Clarisse, kumusta naman sina Danessa? Nakausap m