CHAPTER 45

"KINAKABAHAN ako." Napasimangot si Yesha nang tawanan siya ni Shawn. Hindi niya alam kung ano ang nakakatawa sa sinabi niya. Para kasi itong mapupugutan ng hininga kakatawa.

"Nakakainis ka naman Shawn, e!" reklamo niya rito pero mas lalo lang itong tumawa. Kanina lang pinagtatalunan nila yung load, tapos ngayon ito na naman ang lalaki sa pang-aasar sa kan'ya. "Ubusin mo kasi muna 'yang laman ng bibig mo bago ka magreklamo hahahaha."

Inirapan niya ito at wala sa sariling tinakpan ang bibig. Nawala sa isipan niya na kumakain pala siya ng donut. Hay naku! Hindi na talaga siya magtataka kung bigla siyang manaba dahil sa dami ng pinapakain sa kan'ya ni Shawn.

Hindi pa nga siya natutunawan ay umu-order kaagad ito ng makakain niya. Sabi pa naman nila mananaba ka kapag nasa tamang tao ka na. Mukhang hindi pa siya nananaba, nakikita na niya si Shawn bilang tamang tao para sa kan'ya.

"Basta kapag kinakabahan ka, mag-text ka lang sa akin. Kapag break mo, you can cal