Chapter 17

Lumipas pa ang ilang mga araw, abala pa rin ako sa mga dapat kong gawin sa paaralan. Araw-araw ay nag-eensayo kami ni Harris para sa padating na pageant at ganun din sila Zale at Misty.

 Hanggang ngayon walang pagbabago hindi parin ako pinapansin ni Misty at tuluyan na itong hindi sumama kina Jade at Vie. Pero ayos na rin dahil nakikita ko ang saya at mga ngiti niya kapag kasama niya si Zale. Habang patagal ng patagal din ay nahahalata kong nagiging komportable na si Zale sa kanya.

"Ava focus, ayusin mo ang lakad mo," paalala sa akin ni Vie. Siya kasi ang nag-eensayo sa akin. Hindi naman siya sumasali sa mga pageant pero bihasa siya dahil isang beauty-queen ang kanyang ina, namana naman niya ang kagandahan nito.

"Paano ba kasi? Kahit naman may heels ako ay mukha pa rin akong bata. Ang hirap maglakad Vie!" pagrereklamo ko, napakamot na lang ito sa kanyang ulo. Hindi ko kasi talaga alam kung paano ba ito gawin ng tama