Chapter Fifty Eight

Naiharang ko ang isang kamay ko sa mga mata ko nang maramdaman ang malakas na hangin dahil sa tatlong helicopter na susundo kay Eugene.  Malakas rin ang tunog na nagmumula rito. 

"Nasaan yung dalawa?" tanong ko, tinutukoy ang dalawang kambal na kanina pa wala sa mood dahil sa pag-alis ng ama nila. 

"Nasa baba po Madam, kasama ni Sir na nag-aabang ng sundo." sagot ni Nay Becka na nakatingin sa Ibaba ng terrace. 

Nang tumingin ako sa baba nakita ko ang kambal na parehong naka-kapit sa binti ng ama. Kahit hindi ko rinig mula rito ang sinasabi nila alam kong nag-rereklamo nanaman ang mga ito. Ayaw parin talaga nilang paalisin si Eugene pero alam kong hindi naman sila magtatanin ng sama ng loob kay Eugene dahil alam kong naiintindihan nila ang mga nangyayari. Talagang hindi na mawawala sa mga anak na umakto ng ganiyan sa tuwing aalis ang magulang, isa pa, mga bata pa sila kaya normal lang na umakto sila na parang bata. 

"Wife!" nagulat