Kabanata 57

“Ay, teka… nakarami ka na, Justin ha!” sabi ko habang takip na ang palad sa labi ko, pero nagpatuloy pa rin siya sa paglapit at sa kamay ko nga lumapat ang labi niya. Pikit ang mga mata niya habang ako dilat, at pinagmamasdan lang ang ginagawa niya.

“I am just checking, kung hindi ka na ba talaga guniguni," sabi niya at ngumiti pa.

“Sana nga guniguni na lang ako, hindi mo sana ako ginawang inodoro!" Tinulak ko siya, pero paghapit sa baywang ko ang ganti niya. Para nga siyang rubber bond na mala-tuko rin. Iba kasi kumapit. Kapit na kapit!

"Umayos ka na nga muna, Justin. Kung gusto mo mag-usap; usap lang walang nakawan ng halik at yakap," seryoso kong sabi. Kasi naman, hindi pa nga kami, pero kung umasta siya at hawakan ako ay parang kami na.

“Para yakap at halik lang, damot… puso ko nga, ninakaw mo, nagreklamo ba ako?” tampo-tampohan nitong sabi, pero agad namang ngumiti ng matamis at mas hinapit pa ang baywang ko.

Ang close na nga namin sa puntong ramdam ko na ang umbok at bukol-bu