Kabanata 56

“J-Justin… umayos ka!” Dinuro ko siya kasabay din ang dahan-dahan na pag-atras. Pero tuloy din ang pasuray-suray niyang paglalakad papalapit sa akin, at nakangiti pa rin na parang tanga. "Diyan ka lang…sasapakin talaga kita—"

Hindi ko na natapos ang sasabihin ko, bigla niya kasi akong niyakap. Tinulak ko na naman siya, pero agad din siyang kumapit at agad kinulong ang pisngi ko sa mga palad niya, sabay titig sa mga mata ko.

“Ang ganda-ganda ng mga mata mo, Erica.”

Napakurap-kurap ako. Wala na pala akong salamin. Kaya mata ko naman ang nakita at pinagdiskitahan niya. Abnormal din talaga ‘to.

“Alam mo, ito ang dahilan kung bakit minahal kita…tumitig ka kasi…” Ngiti na naman ang tumapos sa pagsasalita niya. ‘Yong ngiting parang tanga na talaga.

"Sira ka pala e! Sabi mo tumingin ako sa’yo kapag nagsasalita ka, tapos ngayon, ako ang sisisihin mo?”

Napakagat labi siya sabay lapat ng noo niya sa balikat ko. Amoy na amoy ko na ang hininga niya na hindi ko maintindihan ang amoy.

“ ‘Yon na