KABANATA 25

PAGKARATING ni Devina sa bahay ng mga Valderama ay pinakiramdaman niya muna ang paligid bago siya tuluyang pumasok sa nakabukas na pinto ng bahay. Una palang ay nagtataka na siya lalo na at walang sumalubong sa kaniyang guard or mga maids.

Tahimik sa loob at wala kang mababakasan na tao hanggang sa makarinig siya ng tunog na nagmumula sa takong ng isang sandalyas. Mula sa itaas ay nakita niya ang pababang si Cassandra —ang ina ni Kristin, habang taas noo at walang emosyon ang muka.

“Dumating ka.”

Hindi sumagot si Devina sa sinabi nito. Alam niyang magkasabwat sila ni Kristin lalo na at ito ang nagpadala ng text message.

“Hinahanap mo ba si Papa?” napakuyom ng kamao si Devina dahil doon.

“Saan niyo siya dinala? Ilabas mo siya ngayon ‘din.” Bigla itong natawa sa sinabi niya kung kaya hinayaan niya lang ito.

“Hindi ako tanga Devina. Ilalabas ko siya ng walang kapalit? No,”

“Anong kailangan mo? Pera? Ibibigay ko sa’yo .” alam niya na mukang pera ang napangasawa ng kaniyang am