KABANATA 46

“BELLE!”

Nakatanaw sila Devina at Jeydon kay Jenjen na tumakbo kung saan nakaupo si Arabelle. Kita nila ang saya sa muka ng bata ng makita ang kaniyang kaibigan. Sino nga bang mag-aakala na ang kasama mong bata sa ampunan ay kamag-anak mo pala.

Tinapik ni Devina ang likuran ni Jeydon ng makita niya na malungkot na nakatanaw ito sa anak.

“Sigurado akong maiintindihan niya ‘din,” ngiti niyang sabi dito.

Hindi pa kasi nagsasalita ang bata tungkol sa mga ipinaliwanag nila dito. Mahirap intindihin pero sigurado si Devina na maiintindihan ito ng bata. Lalo na unang tingin palang niya dito ay maunawain na ito at mabait. Sapat na ebidensya nang minahal nito ang anak niya kahit pa na wala silang alam na magkadugo sila.

“Natatakot ako Devina pero susubukan ko. Magpapakatatag ako para sa kaniya,”

“Dapat lang. After all bata pa siya, ikaw ang ama. You should give your best. Akala ko talaga tatanda kang walang anak,”

Natawa sila pareho dahil doon. Kahit papaano ay nabawasan ang pagka-