KABANATA 47

“DADDY!”

Nakangiting sinalubong ni Valentine si David ng makarating siya sa bahay ni Devina.

“Bakit ikaw lang mag-isa dito? Nasaan sila mommy mo?” Kuno’t noo niyang tanong sa anak.

“Nasa taas po sila, si mommy katulong si tito Jeydon alagaan ang pinsan ko na si Jenjen. Habang sila lola at tita Adeline naman po ay inaalagaan si Arabelle,”

“Pinsan? Kaninong anak?” Mas lalong nanguno’t ang noo niya dahil sa narinig. Sa pagkaka-alala niya ay wala ng ibang bata pa sa pamilya nila Devina.

“Kay tito Jeydon po! Natagpuan na po ang anak niya, kaibigan po pala siya ni Arabelle sa ampunan. Umiyak nga po siya kanina nu’ng makita si Jenjen. Siguro naalala niya nanaman yung mga nangyari,”

Mas lalong nakuha ni David ang atensyon ni Valentine sa mga sinasabi niya kaya inakay niya ang anak na maupo sa sofa upang mas mag kwento pa ng tungkol sa bagong dating na bata. Mabuti nalang at sa edad na pitong taon ay madaling makaunawa si David at madali niya ‘ding naipaliwanag sa ama ang lahat.

N