KABANATA 53

I guess may isa pa naman kaming advantage, walang alam si kuya Jules na kasali ang Guild namin o wala siyang alam na nakausap ni Valentine si Jeydon. Good point ‘yun, at kailangan kong sabihin ang bagay na ‘yon sa lolo ni Valentine.

Matapos kong maisend ang message dito ay nagmaneho na ako papalayo sa lugar na iyon. Napapahigpit ang kapit ko sa manibela habang nakatanaw sa sasakyan na nakasunod saakin. Alam kong si Sheila iyon, hindi ako takot mamatay pero takot ako para sa pamilya ko.

Hindi alam ng lolo ni Valentine kung may iba pang inutusan si kuya Jules para ipapatay ang pamilya ko. Si Sheila lang ang alam kong makakasagot saakin kaya kailangan ko siyang labanan. Matapos ang halos isa’t kalahating byahe ay nakarating ako sa isang liblib na lugar sa itaas ng isang burol.

Nakatanaw lang ako sa malawak na tanawin at sa papalubog na araw. Nakikiramdam sa paligid... Hanggang sa inihagis ko ang small knife na hawak ko sa aking likuran tamang tama lang para masugatan ang pisnge ni S