Kabanata 21

KABANATA 21

Shuen's POV

Sa wakas, ako'y napabuntong-hininga ng maluwag matapos ko maayos ang lahat ng aking gamit sa bagong apartment. Tinanaw ko ang kabuuan ng bahay, at isang matamis ngunit mapait na ngiti ang sumilay sa aking mga labi habang sumagi sa isip ko si Diovanni.

Ang puso ko'y puno ng pag-asa, umaasang siya'y maghahanap sa akin. Hindi ko mapigilang magtaka kung ano ang naging reaksyon ni Diovanni nang malaman niyang pinalayas ako ni Katarina. Nagalit kaya siya? Nasaktan? Nagtangka kaya siyang hanapin ako?

Alam kong wala akong karapatang umasa ngunit hindi ko ito maiwasan dahil iyon ang sinisigaw ng puso ko. Bukas, pagkatapos ng araw na ito at bago pa man ako makahanap ng trabaho, pupuntahan ko siya. Nais ko siyang makausap at linawin ang lahat sa kanya dahil hanggang ngayon, marami pa rin akong tanong.

Naghanap ako ng computer shop dito para makagawa ng resume, at pagkatapos ay nagpaphotocopy ako. Maaga pa naman para sa tanghalian, alas nuwebe pa lang kaya may pagkakataon p