Chapter 32

Chapter 32

Marahas at nanlalaki ang mga mata ko nang ako ay lumingon. Hindi ko alam kung madidismaya o makahihinga ako ng maluwag sapagkat ang inakala kong tao na nasa likuran ko ay iba pala.

Salubong ang mga kilay ni Officer TM nang tingnan ako nito, sumisinghot singhot pa siya habang hawak ang isang baso ng mainit na kape at balot na balot ng isang kumot.

“Ginagawa mo riyan?” Nakataas ang kilay niya nang tanuning ako.

Imbis na sumagot ay hinawakan ko ang magkabilang pisngi niya at saka iyon hinila.

“Aray!” pagrereklamo niya.

Hindi gaya ng inaasahan ko, walang kahit na anong make-up o ’di kaya naman ay prosthetics. Natural ang kaniyang mukha, namula pa nga iyon dahil sa ginawa kong paghila at pagpisil.

“Problema mo? May sakit na nga iyong tao, ginaganyan mo pa,” aniya.

Nilampasan niya ako at isinarado ang nakabukas na kwarto. “This is my sister's room before, hilig noon ang arts at make-up. Kung ano-anong pinagagagawang nakakatakot na maskara.”

Naglakad siya at sumunod naman