Chapter 61

Chapter 61

“Hey, Hernandez? Ano? Hindi makapagsalita? Too stunned to speak?”

Nabaling ang mukha ni Yvonne sa kaniyang gilid nang malakas siyang sampalin ni Lenida o mas kilala niya bilang Doktora Adinel Mendez.

Marahas na idinura ni Yvonne ang nalasahang dugo rito. “Bakit? Bakit mo ginagawa ’to? Wala akong kahit na anong ginawa sa ’yo!”

Tumawa muna si Doktora Adinel bago naupo sa upuang kahoy na nasa loob nang kinalalagyan nila. Ipinatong nito ang dalawang kamay sa puluhan nang batuta at saka isinandal doon ang kaniyang baba.

Naningkit ang mga mata nito kay Yvonne. “Haah, pa’no ba? Masiyadong mahaba pero paiikliin ko na lamang para sa ’yo. Pero bago ’yon. Let me just invite someone shall we?”

Muling bumukas ang pintuan nangunot ang noo ni Yvonne ngunit sa huli ay naiwang nakaawang ang kaniyang mga labi. “Hayop ka!”

“M-Misha, anak ikaw ba ’yan?” Siyang pagbungad nang babaeng hila-hila nang mga tauhan ni Lenida.

May suot itong sako sa ulo at kita ni Yvonne ang mga pasa sa mga bra